วา ปน มหาราช มหิยา ทวฑาเห สมุฏฺฐิเต ฆฏสหสฺสมฺป อุทกํ น สกฺโกติ นิพฺพาเปตุํ
อถ โข อคฺคิเยว ตฺถ อภิภวิย อาณํ ปวตฺเตติ กึ ตตฺถ การณํ พลวตฺตา เตชสฺส
เอวเมว โข มหาราช เตสํ อจินฺติยานํ กมฺมวิปากํเยว อธิมตฺตํ พลวตรํ กมฺมวิปากํเยว
สพฺเพ อภิภวิย อาณํ ปวตฺเตติ กมฺมาธิคฺคหิตสฺส อวเสสา กิริยา โอกาสํ น
ลภนฺติ ฯ ตสฺมา มหาราช อายสฺมโต มหาโมคฺคลฺลานสฺส กมฺมาธิคฺคหิตสฺส ลคุเฬหิ
โจเรหิ โปถิยมานสฺส อิทฺธิยา สมนฺนาหาโร นาโหสีติ ฯ สาธุ ภนฺเต นาคเสน เอวเมว
โข ตํ ตถา สมฺปฏิจฺฉามีติ ฯ

อิทฺธิยา กมฺมวิปากพลวตรปญฺโห ปฐโม ฯ

ภนฺเต นาคเสน ภาสิตเมตํ ภควตา ธมฺมตาธมฺมปริยาเย ปุพฺเพว โพธิสตฺตานํ
มาตาปิตโร นิยตา โหนฺติ โพธิ นิยโต โหติ อคฺคสาวกา น ิยตา โหนฺติ ปุติโต นิยโต
โหติ อุปฏฺฐาโก นิยโต โหตีติ ฯ ปุน จ ตุมฺเห ภณถ ตุสิเต กาเย ฐิโต โพธิสตฺโต
อฏฺฐ มหาวิโลกนานิ วิโลเกติ กาลํ วิโลเกติ ทีปํ วิโลเกติ เทสํ วิโลเหติ ชเนตฺตึ วิโลเกติ
กุลํ วิโลเกติ อายุํ วิโลเกติ มาสํ วิโลเกติ เนกฺขมฺมํ วิโลเกตีติ ฯ ภนฺเต นาคเสน
อปริปกฺเก ญาเณ พุชฺฌนํ นตฺถิ ฯ ปรกฺเก ญาเน สกฺกา นิมฺเมสนิตรมฺปิ อาคเมตุํ
กสฺมา โพธิสตฺโต กาลํ วิโลเกติ กมฺหิ กาเล ปุปฺปชฺชามีติ ฯ ยทิ ภนฺเต นาคเสน
ปุพฺเพว โพธิสตฺตสฺส มาตาปิตโร นิยตา เตนหิ กุลํ วิโลเกตีติ ยํ วจนํ ตํ
มิจฺฉา ฯ ยทิ กุลํ วิโลเกติ เตนหิ ปุพฺเพว โพธิสตฺตสฺส มาตาปิตโร นิยตาติ ตมฺปิ
วจนํ มิจฺฉา ฯ อยํปิ อุภโต โกฏิโก ปญฺโห ตวานุปฺปตฺโต โส ตยา
นิพฺพาหิตพฺโพติ ฯ
นิยตา มหาราช ปุพฺเพว โพธิสตฺตสฺส มาตาปิตโร กุลญฺจ โพธิสตฺโต
วิโลเกติ ฯ กินฺติ ปน กุลํ วิโลเกติ เย เม มาตาปิตโร เต ขตฺติยา อุทาหุ พฺราหฺมณาติ
เอวํ กุลํ วิโลเกติ ฯ อฏฺฐนฺนํ มหาราช ปุพฺเพว อนาคตํ โอโลเกตพฺพํ โหติ ฯ กลเมสํ
อฏฺฐนฺนํ ฯ วาณิชสฺส มหาราช ปุพฺเพว วิกยภณฺฑํ โอโลเกตพฺพํ โหติ ฯ หตฺถินาคสฺส
ปุพฺเพว โสณฺฑาย อนาคโต มคฺโค โอโลเกตพฺโพ โหติ ฯ สากฏสฺส ปุพฺเพว อนาคตํ
ติตฺถํ โอโลเกตพฺพํ โหติ ฯ นิยามกสฺส ปุพฺเพว อนาคตํ ตีรํ โอโลเกตฺวา นาวา เปเสตพฺพา
โหติ ฯ ภึสกสฺส ปุพฺเพว อายุํ โอโลเกตฺวา อาตุโร อุปสงฺกมิตพฺโพ โหติ ฯ อุตฺตรเสตุสฺส
ปุพฺเพว ถิราถิรภาวํ ชานิตฺวา อภิรูหิตพฺพํ โหติ ฯ ภิกฺขุสฺส ปุพฺเพว อนาคตํ กาลํ

ปจฺจเวกฺขิตฺวา โภชนํ ภุญฺชิตพฺพํ โหติ ฯ โพธิสตฺตานํ ปุพฺเพว กุลํ โอโลเกตพฺพํ โหติ
ขตฺติยกุลํ พฺราหฺมณกุลํ วาติ ฯ อิเมสํ โข มหาราช อฏฺฐนฺนํ ปุพฺเพว อนาคตํ โอโลเกตพฺพํ
โหตีติ ฯ สาธุ ภนฺเต นาคเสน เอวเมตํ ตถา สมฺปฏิจฺฉามีติ ฯ

โพธิสตฺตสฺส ธมฺมตาปญฺโห ทุติโย ฯ

ภนฺเต นาคเสน ภาสิตมฺปิ เหตํ ภควตา น ภิกฺขเว อตฺตานํ อาเตตพฺพํ
โย ปาเตยฺย ยถาธมฺโม กาเรตพฺโพติ ฯ ปุน จ ตุมฺเห ยตฺถ กตฺถจิ ภควา
สาวกานํ ธมฺมํ เทสยมาโน อเนกปริยาเยน ชาติยา ชราย พฺยาธิโน มรณสฺส สมุจฺเฉทาย
ธมฺมํ เทเสติ โย หิ โกจิ ชาติชราพฺยาธิมรณํ สมติกฺกมติ ตํ ปรมาย ปสํสาย
ปสํสตีติ ฯ ยทิ ภนฺเต นาคเสน ภควตา ภาสิตํ น ภิกฺขเว อตฺตานํ ปาเตตพฺพํ
โย ปาเตยฺย ยถาธมฺโม กาเรตพฺโพติ เตนหิ ชาติยา ชราย พฺยาธิโน มรณสฺส สมุจฺเฉทาย
ยา ธมฺมเทสนา เทสิตา สา มิจฺฉา ฯ ยทิ ชาติยา ชราย พฺยาธิโน มรณสฺส สมุจฺเฉทาย
ธมฺมเทสนา สจฺจํ เตนหิ น ภิกฺขเว อตฺตานํ ปาเตตพฺพนฺติ ยํ วจนํ ตํ มิจฺฉา
ภวติ ฯ อยํปิ อุภโต โกฏิโก ปญฺโห ตวานุปฺปตฺโต โส ตยา นิพฺพาหิตพฺโพติ ฯ
ภาสิตํ เจตํ มหาราช ภควตา น ภิกฺขเว อตฺตานํ ปาเตตพฺพํ โย ปาเตยฺย
ยถาธมฺโม กาเรตพฺโพติ ฯ ยตฺถ กตฺถจิปิ ภควตา สาวกานํ ธมฺมํ เทสิยมาเนน จ
อเนกปริยาเยน ชาติยา ชราย พฺยาธิโน มรณสฺส สมุจฺเฉทาย ธมฺโม เทสิโต ฯ ตตฺถ
ปน การณํ อตฺถิ เยน ยตฺถ กตฺถจิ ภควา ปฏิกฺขิปิ จ สมาทเปสิ จ ฯ สีลวา
มหาราช สีลสมฺปนฺโน อคทสโม สตฺตานํ กิเลสวิสวินาสโน โอสถสโม สตฺตานํ
กิเลสพฺยาธิวูปสมโน อุทกสโม สตฺตานํ กิเลสรโชชลฺลสฺส วาหโน มณิรตนสโม สตฺตานํ
สพฺพสมฺปตฺติวรทโท นาวาสโย สตฺตานํ จตุโรฆปารคมโน สตฺถวาหนสโม สตฺตานํ
ชาติกนฺตารตรโณ วาตสโม สตฺตานํ ติวิธคฺคิสนฺตาปปรินิพฺพาปโน มหาเมฆวุฏฺฐิสโม
สตฺตานํ มานสปริปูรโณ อาจริยสโม สตฺตานํ กุสลสิกฺขาปโก เทสิกสโม สตฺตานํ เขมปถํ
อาจิกฺขโณ ฯ เอวรูโป มหาราช พหุคุโณ อเนกคุโณ อปฺปมาณคุโณ คุณราสี คุณปุญฺโช
สตฺตานํ อายุกโร วุฑฺฒิการี สีลวา มา วินสฺสีติ สตฺตานํ อนุกมฺปาย ภควา มหาราช
สิกฺขาปทํ ปญฺญาเปสิ น ภิกฺขเว อตฺตานํ ปาเตตพฺพํ โย ปาเตยฺย ยถาธมฺโม
กาเรตพฺโพติ ฯ อิทเมตฺถ มหาราช การณํ เยน การเณน ภควา ปฏิกฺขิปิ ฯ ภาสิตํ
เจตํ มหาราช เถเรน กุมารกสฺสเปน วิจิตฺรกถิเกน ปายาสิสฺส ราชญฺญสฺส ปรโลกํ